O‘zbekistonlik tadqiqotchi kardiologiya sohasidagi nufuzli xalqaro ilmiy mukofotga sazovor bo‘ldi
Biz g‘urur bilan ma’lum qilamizki, markazimiz ilmiy xodimi Jamol Uzokov, O‘zbekiston vakili sifatida, Amerika Kardiologiya Kollejining William A. Zoghbi Global Research Initiative dasturi doirasida taqdim etiladigan Jamal S. Rana Cardiometabolic Health Global Research Award mukofotining 2026 yilgi laureati deb topildi. Amerika Kardiologiya Kolleji uni 2026 yilgi global ilmiy mukofot sohiblari qatoriga rasman kiritdi hamda mazkur tashabbus, ayniqsa, rivojlanayotgan mamlakatlarda bemorlarga ko‘rsatiladigan tibbiy yordam sifatini yaxshilash salohiyatiga ega bo‘lgan innovatsion yurak-qon tomir tadqiqotlarini qo‘llab-quvvatlashini ta’kidladi.
Ushbu xalqaro e’tirof nafaqat muhim shaxsiy yutuq, balki O‘zbekistonning tibbiyot va ilmiy-tadqiqot hamjamiyatining ortib borayotgan ilmiy salohiyatini ham aks ettiradi. Amerika Kardiologiya Kolleji William A. Zoghbi Global Research Initiative dasturini AQShdan tashqarida yangi va innovatsion tadqiqotlarni rivojlantirish uchun muhim platforma sifatida hamda yurak-qon tomir tibbiyotini global miqyosda ilgari surishga intilayotgan istiqbolli tadqiqotchilarni qo‘llab-quvvatlashga qaratilgan dastur sifatida ta’riflaydi.
Mazkur yutuq o‘zbek mutaxassislarining jahon yurak-qon tomir tibbiyoti maydonidagi nufuzi ortib borayotganini ko‘rsatadi hamda ilmiy tadqiqotlarni rivojlantirish, xalqaro akademik hamkorlikni mustahkamlash va kardiologiya hamda kardiometabolik salomatlik sohasida innovatsiyalarni ilgari surish uchun yangi imkoniyatlar yaratadi. Laureatlar yurak-qon tomir tibbiyoti sohasidagi yetakchi xalqaro forumlardan biri bo‘lgan Amerika Kardiologiya Kollejining yillik s’zezdida e’tirof etildi. Biz Jamol Uzokovni ushbu muhim yutuq bilan samimiy tabriklaymiz va unga ilmiy hamda kasbiy faoliyatida yanada ulkan muvaffaqiyatlar tilaymiz.
